Mann . . .

Anjaani si khwaaish hai
Anjaana hai afsaana
Ek jhonka hai pawan ka
Yaa hai koi parvana

Ye mann hi hai na mera
Kabhi shaq mujhe hota hai
Ye thoda to hai pagla
Or thoda hai deewana

Na iski koi manzil
Na isska hai thikana
Isne to bas hai seekha
Chalna... or chalte jana

Astitv kya hai mera
Huun kiski khoj main mai
Pucha kiya hai dil se
Bole hai "kaun jana"

Kuch sunii si hain rahain
Khamosh hain sadayain
Behke hue kadam hain
Or maun hai wafaayain

Parchaaiyan hain har dum
Mere mann k aaine main
Hain kyun kachot ti ab
Beetee hui jafaayain

Mera mann hai bawraa saa
Har shab main jaagta saa
Tanhaai mere aage... 
Ruswaai mere peechae
Ek-durse ko ab hum
Bas yuun hi ab sataain

Iss ek akelepan se
Maine bahut hai seekha
Kabhi ro diya fafak kar
Kabhi muskura k beeta

Kabhi thak k tuut k mai
Bistar pe jab bhi leta
Mere mann ne paas aa k
Kuch yuun mujhe sameta

Bola k tera saathi 
Bas tu i hai yahan par
Tera safar hai tera
Tu haara na tu jeeta

Rahain bahut sii hongi 
Ek tere iss safar main
Tu sach, sahi ko chunna
Ishwar ko mann main gunna

Darna na, thakna tuu naa
Rukna na, thamna tuu naa
Khush reh k khushiyan dena
Aasheesh sab se lena

Jeevan safal wohi hai
jis main ki chal nahi hai
na krodh hai na maya
na moh mann main aaya
bas satya hai har ek kshan
or prem hai har  ek kan

rehne de duniyadari
kar apni hi sawaari
achchaaiyon ko apni 
hone de sab pe bhaari

sab ka bhala hi kar tuu
santaap sab ka har tuu
jeenae ki daur (दौड़) main bas
aisae hi karm kar tuu

aisae hi karm kar tuu
aisae hi karm kar tuu .. .