A Tribute To Love : Part 2

Tum Maun ho... to ye kaun hai???
Jo ander hi mere chikhta chillaata hai . . .
Ek Udaaseen sada hai jo kahin duur se aati hai . . .
Ek pakshi hai jo bilakhta fadfadata hai . . . 


Aankhain moondun to ek andheri gehraai main . . . 
Ek dhundhla sa chehra nazar aata hai . . . 


Tum sada ho ya ehsaas . . .
Tum hawa ho ya madhumaas . . . 
Tum ho waqt ki dhaar . . . 
Tum dil ki ek pukaar . . . 
TUM JEEVAN k USS PAAR

Tum dil main ek bawandar ho . . . 
Tum aankhon ka samandar ho . . . 
Tum zinda ho mere tan main . . . 
Tum ho shaashwar mere mann main . . . 


Tum sukh ho mere angan ka . . . 
Tum praan ho mere prangan ka . . . 
Tum dil ki ho har ek dhadkan . . . 
Tum saanson ka ho har ek kan . . . 
Tum jab se ho gayi ho ojhil . . . 
Saansain meri ho gayi bojhil . . . 


Jeenae ko mere ab to bas . . . 
Beetii baatain hi baaki hain . . . 
Wo saath guzare lamhon ki . . . 
Pyaari ghadiyan hi baaki hain . . .


Jeevan k iss lambe path par . . .
Mere saath mujhe hi chalna hai . . . 
Ab dheere dheere sulag sulag kar . . . 
Mujhko yuun hi jalna hai . . . 

Ab dheere dheere sulag sulag kar . . . 
Mujhko yuun hi jalna hai . . .