KAASH . . .

E-khuda kaash k yuun bhi kabhi hua hota
wo mere saamne rota aur mai apni baat pe ada hota. . .
use bhi mehsuus hota kissi apne k duur jane ka ghum
kaash k wo bhi meri hi tarah yuun hi tadpa hota . . .

Pal-pal ko barson main guzaara hai maine,
kaash ki ek pal usne bhi aisaa guzara hota . . .
ashq bhi suukh gaye thae in palkon main meri
mai khush hota 
gar ek aansu bhi usne mere liye bahaya hota


Uske liye to pyaar ek khel tha, 
bahut kuch sikhaya usne, 
kaash ye khel bhi sikhaya hota . . .
dua karta huun k ek din 
wo bhi meri hi jagah khada ho,
usse maluum to ho 
ki mai to zhel gaya tha 
par wo tuut gaya hota...

Ehsaas . . .

Kyun iss tarah se kabhi zindagi udaas hoti hai,
Baat hoti nahi par fir bhi khaas hoti hai
Yaad tumhari mehfil main bhi tanhaa kar jati hai
Yuun din guzarta hai or yuun hi raat hoti hai. . .

Log hantae hain meri khaamoshi par 
Par mere jism ki har ek saans roti hai. . .
Itnaa pyaar hai mere dil main samaya tere liye 
Ki baataon baataon main bhi teri baat hoti hai


Tujhse duur ho k teri kareebi ka ehsaas hua
Tu duur hai mujhse, par tera ehsaas. . . . 
Teri khushboo tak bhi mere saath hoti hai

Mujhe AZAAD kar de...

Mere saanson k kharidaar mujh par thoda saa ehsaan kar de
tere dil ki thodi sii zamiin mere naam kar de
tuut kar bikharna chahti huun teri baahon main mai
apni baahon ka thoda sa hissa mujh par kurbaan kar de

Apne dil k khaalipan ko tere khayalon se mai bharti huun
tu mere zahn main utar kar mujhe apna gulaam kar de
mere shareer k har kone main tere pyaar ki basaawat hai
tu meri zindagi main aa k roshan jahan kar de


Maine khud ko hamesha chaar dewaari main kaid rakha hai
mujhe AZAAD kar de mera ye bhi kaam kar de
mere khawabo k kaarwaan ko sachaai main badal kar
mere naam ye apni zindagi tamaam kar de...

Yaad...

Jab chale hi gaye ho zindagi se meri
to chale kyun nahi jate ho
naa aate ho paas mere
naa duur mujhse ho paate ho


Yuun til til kar marne ki kyun 
aadat mujhe dalwate ho
maar hi do ek baar main tum
kyun mjhko yuun tadpate ho

Dil k har kone main bas kar 
mujhko yuun satate ho
fir aakhon k koron se 
tum neer ban k beh jate ho


Meri halat dekh kar bhi 
taras kyun nahi khaate ho
ab to aa jao wapas
kyun yaad ban k reh jate ho...

Uss KHUDA ka Darr Nahi . . .

Chahta hai kya ye mann

aankh meri kyun hai num

kya hai dukh, hai kya wajah 

kaun jane kya pata

kya hai mushkil aa padi 

hai kyun bechaini badi

dil mera hai ghumzada

shok main kyun hai lada

dekh kar duniya badi

sochti huun ye khadi

kyun meri masumiyat 

duur sehmi si khadi

zindagi ki taal pe

naachte behaal se

paak bas shadarsh main

kho gaye aadarsh hain

iss jahan k jeev sab

aankh munde hain khade

dekh kar anyaay bhi 

kyun hain bistar main pade

jeev hain, jeevan nahi

tan to hain, par mann nahi 

har kriya main swaarth hai

swam sukh parmarth hai

badon ka aadar nahi 

uss khuda ka darr nahi

aankh main lajja nahi 

karm main sajda nahi

suna tha main kahin

rehta hai allah yahin

satya raah dikhata hai

dukh ko sukh se milata hai

kho gayi uski sada

hai ye ishwar ki adaa

kuch samay tak nar agar

naa kare uski kadar

wo sada mit jati hai

hridaykan  main chup jati hai

vintii hai insaan se

gul bano gulistaan k

insaan ban kar aaye ho

insaaniyat ka daan do

zindagi bas ye nahi 

jo yahan par jee gayi

ye faqat thahraav hai

sirf ek padaav hai

jana sabko hai ek nagar

alag ho chahe dagar

tum na satya path se darro

dusron ka dukh haro

khud raho santusht aur

prem ras se mann bharo

sabke jeevan main manuj 

rang khushiyon k bharo

sukh tum itnaa paoge

kalpna na kar paaoge
khushiyaan hongi bikhri hui

na gareebi na bhukmari

naa koi apraadh ho

bhaaichare main baat ho

har taraf hariyaali ho

duur tak khushaali ho

socha hai maine abhi 

kalpana ye hai badi

fir bhi aashaa hai magar

hogaa duaaon main asar

ek din, to aisaa aayega

jab satya swapn ho jayega

kitna madhur hoga wo pal

jab hongain sabke sapne safal

kitna madhur hoga wo pal

jab hongain sabke sapne safal.